Materi Warta

 Harti Warta

Warta asalna tina basa Sansakerta anu hartina kabar atawa béja. Warta nyaéta informasi ngeunaan hiji kajadian anu bener-bener lumangsung sarta ditepikeun ka balaréa ngaliwatan média, boh média citak boh média digital.


Unsur-Unsur Warta (5W + 1H)

Warta miboga sababaraha unsur penting anu disebut 5W + 1H, nyaéta:

  • What (Naon) → Kajadian naon anu lumangsung?
  • Who (Saha) → Saha waé anu kalibet?
  • Why (Naha) → Naha éta kajadian bisa lumangsung?
  • When (Iraha) → Iraha waktuna kajadian?
  • Where (Di mana) → Di mana tempat kajadianana?
  • How (Kumaha) → Kumaha kronologis atawa jalan kajadianana?


Struktur Warta

Struktur warta biasana ngagunakeun piramida tibalik, nyaéta inti pangpentingna ditempatkeun di bagian luhur.

1. Judul (Headline)

Ngaran atawa téma warta anu matak narik perhatian nu maca atawa nu ngadéngé.

2. Bubuka (Lead / Teras Warta)

Bagian pangpentingna anu ngandung inti informasi tina unsur 5W + 1H.

3. Eusi (Body / Waruga Warta)

Bagian anu ngajelaskeun kajadian leuwih jero jeung leuwih lengkep.

4. Panutup

Bagian ahir anu eusina informasi tambahan minangka pelengkap warta.


Ciri-Ciri Warta

Warta anu hadé miboga ciri-ciri:

  • Objéktif, dumasar kana fakta.
  • Aktual, hartina anyar jeung can lila kajadianana.
  • Penting, aya mangpaatna keur masarakat.


Téhnik Maca Warta

Supaya maca warta leuwih hadé tur écés, aya sababaraha hal anu kudu diperhatikeun:

1. Artikulasi

Ngucapkeun kecap kudu écés jeung jelas, kaasup ngabédakeun sora vokal e, é, jeung eu.

2. Intonasi

Luhur-handapna sora kudu saluyu jeung tanda baca sarta eusi warta.

3. Pasemon

Ekspresi beungeut kudu cocog jeung suasana atawa eusi warta.

4. Penampilan

Kudu rapih, sopan, sarta boga sikep awak anu ajeg nalika maca warta.


Kabahasaan

A. Ragam Basa

• Basa Hormat: Dipaké pikeun ngajénan jalma anu diwartakeun, saperti tokoh masarakat, pejabat, atawa saluhureun.

• Basa Loma/Umum: Dipaké pikeun laporan kajadian sapopoé atawa kaayaan anu sipatna umum.

B. Jenis Kalimah (Nepikeun Omongan Sumber)

Aya dua cara pikeun nepikeun pernyataan ti narasumber atawa saksi:

• Kalimah Langsung: Nyutat omongan asli luyu jeung sumberna (ngagunakeun tanda kutip "...").

• Conto: “Jalan moal bisa diliwatan ku sakabéh kandaraan salila tilu poé," ceuk patugas pulisi.

• Kalimah Teu Langsung: Nyaritakeun deui maksud omongan sumber (biasana ngagunakeun kecap panyambung yén).

• Conto: Patugas pulisi nyebutkeun yén jalan moal bisa diliwatan ku sakabéh kandaraan salila tilu poé.

C. Kecap Katerangan (Waktu & Tempat)

Ieu mangrupakeun ciri utama warta sangkan sipatna faktual (nyata).

• Conto: "Kacilakaan éta lumangsung di Jalan Raya Cimaung, dinten Salasa (12/05) tabuh 07.30 WIB."

• Jéntréna: Nuduhkeun tempat jeung waktu anu spésifik/pasti.

D. Kecap Panyambung (Konjungsi Sabab-Akibat)

Dipaké pikeun nyambungkeun fakta hiji jeung fakta lianna anu aya pakaitna.

• Conto: "Hujan gedé taya eureunna ti kamari, balukarna sababaraha imah warga kakeueum ku cai."

• Jéntréna: Kecap balukarna nyambungkeun sabab (hujan gedé) jeung akibat (banjir).


TUGAS !!! 

Téangan hiji warta (béja), tuluy pigawé dumasar kana aturan di handap:

- Tangtukeun Unsur 5W+1H

Naon (kajadianana), Saha (nu kalibet), Iraha (waktuna), Di mana (tempatna), Naha (sababna), jeung Kumaha(prosesna).

- Jieun Kalimah Langsung & Teu Langsung

Jieun sapasang kalimah dumasar kana omongan sumber berita (narasumber).

- Jieun Kalimah Sabab-Akibat

Jieun hiji kalimah nu ngandung kecap panyambung sabab-akibat (contona: balukarna, lantaran, atawa nepi ka).





Komentar

Posting Komentar

Postingan populer dari blog ini

CARITA WAYANG (BAB 2) MATERI BAHASA SUNDA KELAS XII

A. Carita Wayang      Carita wayang téh carita anu sok dilalakonkeun dina pagelaran wayang. Wayang téh mangrupakeun hiji seni pertunjukan anu asalna tina kecap “bayang” atawa “kalangkang”. Hartina wayang téh gambaran tina kahirupan manusa boh lahir boh batinna. Carita wayang biasana nyaritakeun perjuangan, kaadilan, jeung palajaran kahirupan anu dipidangkeun ku dalang bari dipirig ku gamelan. Wayang teu ukur hiburan, tapi ogé mangrupa média pikeun nyebarkeun ajaran agama jeung nilai budaya.       W a yang asalna ti India, bagian tina budaya Hindu anu nyaritakeun epos Ramayana jeung Mahabharata. Kira-kira abad ka-5 Masehi, wayang mimiti asup ka Nusantara barengan asupna agama Hindu. Dina waktos harita, wayang kulit jadi seni pertunjukan nu populér di Jawa jeung Bali. N alika agama Islam sumebar di Nusantara dina abad ka-15, para wali maké wayang minangka média dakwah. Carita wayang dirobah supaya ngandung nilai-nilai Islam tapi tetep ngajaga unsur buday...
Baca selengkapnya

Kalimah Aktif & Kalimah Pasif

 1. Kalimah Aktif Kalimah aktif nyaéta kalimah anu palaku (anu ngalakukeun hiji pagawean) disebut di hareup kalimah. Palaku ngalakukeun hiji tindakan ka sasaran atawa udagan. Conto: Ema nyakolakeun abdi. Ema = J (Jejer)  n yakolakeun = C ( Caritaan )  a bdi = U (Udagan) 2. Kalimah Pasif Kalimah pasif nyaéta kalimah anu anu ngalaman pagawean atawa kajadian disebut di hareup kalimah, sedengkeun palaku biasana disebut di tukang kalimah nganggo kecap "ku". Conto: Abdi disakolakeun ku ema. Abdi = J (Jejer) disakolakeun = C (Caritaan)  ku ema = U (Udagan) 3. Unsur Dina Kalimah (J – C – U) J (Jejer) Dina kalimah aktif, jejer nyaéta palaku (anu ngalakukeun pagawean). Dina kalimah pasif, jejer nyaéta anu ngalaman pagawean atawa kajadian. C (Caritaan), caritaan téh pagawean atawa kajadian dina kalimah, biasana kecap pagawéan. U (Udagan), udagan nyaéta sasaran atawa anu dialaman pagawean. Dina kalimah aktif, udagan disebut sanggeus Caritaan. Dina kalimah pasif, udagan bias...
Baca selengkapnya

Materi B.Sunda kelas 12 BAB 4 Drama

  1. Drama Kecap "drama" asalna tina basa Yunani, nyaéta  dramoi , nu hartina "ngalakukeun" atawa "ngagambarkeun". Jadi, drama téh bisa dianggap minangka hiji bentuk seni anu nyaritakeun kajadian atawa carita ngalangkungan pagelaran anu ngabogaan dialog atawa obrolan antara tokoh-tokoh. Jenis-jenis Drama: Nurutkeun Wangun:  Aya drama lancaran (dialog bébas) jeung drama ugeran (dialog nu bersajak, mirip lagu karesmén). Nurutkeun Pamelaran:  Aya drama anu pementasanna lisan (sapertos longser) jeung anu ditulis (boga naskah). Nurutkeun Sumber Cipta:  Aya nu dumasar kana carita nu geus aya (misalna "Lutung Kasarung") atawa tina kajadian sapopoé (misalna "Bandung Lautan Api"). Struktur Drama: Pertélan Palaku:  Nyalin tokoh-tokoh dina drama. Babak jeung Adegan:  Carita dibagi ku babak jeung adegan, gumantung kana waktu jeung tempat. Candraan:  Katerangan ngeunaan latar atawa suasana, bisa dijelaskeun di awal naskah (biasana dipidangkeun mirin...
Baca selengkapnya