Kalimah Aktif & Kalimah Pasif

 1. Kalimah Aktif

Kalimah aktif nyaéta kalimah anu palaku (anu ngalakukeun hiji pagawean) disebut di hareup kalimah. Palaku ngalakukeun hiji tindakan ka sasaran atawa udagan.

Conto:

Ema nyakolakeun abdi.

Ema = J (Jejer) 

nyakolakeun = C ( Caritaan ) 

abdi = U (Udagan)

2. Kalimah Pasif

Kalimah pasif nyaéta kalimah anu anu ngalaman pagawean atawa kajadian disebut di hareup kalimah, sedengkeun palaku biasana disebut di tukang kalimah nganggo kecap "ku".

Conto:

Abdi disakolakeun ku ema.

Abdi = J (Jejer)

disakolakeun = C (Caritaan) 

ku ema = U (Udagan)

3. Unsur Dina Kalimah (J – C – U)

  1. J (Jejer) Dina kalimah aktif, jejer nyaéta palaku (anu ngalakukeun pagawean). Dina kalimah pasif, jejer nyaéta anu ngalaman pagawean atawa kajadian.
  2. C (Caritaan), caritaan téh pagawean atawa kajadian dina kalimah, biasana kecap pagawéan.
  3. U (Udagan), udagan nyaéta sasaran atawa anu dialaman pagawean. Dina kalimah aktif, udagan disebut sanggeus Caritaan. Dina kalimah pasif, udagan biasana disebut sanggeus kecap "ku".

4. Tanda-Tanda Kalimah Aktif jeung Pasif

  • Kalimah aktif sering nganggo rarangkén kecap pagawéan saperti: N-, Ng-, Ny-, -keun (contoh: nyakolakeun, nulis, nginum).
  • Kalimah pasif sering nganggo rarangkén di-, di-keun (contoh: disakolakeun, ditulis, diinuman).

5. Kalimah Aktif Antipasif jeung Kalimah Pasif Antiaktif

  • Kalimah Aktif Antipasif, kalimah aktif anu teu bisa dijadikeun kalimah pasif.

Zahra keur diajar nembang

Ieu teu bisa dirobah jadi: Nembang keur diajar Zahra (salah).

  • Kalimah Pasif Antiaktif, kalimah pasif anu teu bisa dijadikeun kalimah aktif.

Mang Gandi katarajang panas.

Ieu teu bisa dirobah jadi: Panas narajang Mang Gandi (salah).


TUGAS

  1. Jieun 1 kalimah aktif jeung 1 Kalimah pasif nu merenah tur luyu jeung struktur kalimah Sunda (Jejer – Caritaan – Udagan)!
  2. ⁠Tuliskeun hiji kalimah aktif jeung hiji kalimah pasif make kecap-kecap anu disayagikeun di handap ieu!

  • Ngajul, diajul 
  • Melak, dipelak 
  • Nulis, ditulis 
  • Baca, dibaca  
  • ⁠Ngetik, diketik  
  • ⁠Nginjeum, diinjeum
  • ⁠Miceun, dipiceun 
  • ⁠Nyeseuh, diseuseuh⁠
  • Ngamimitian, dimimitian
  • Ngurus, diurus


Komentar

Posting Komentar

Postingan populer dari blog ini

CARITA WAYANG (BAB 2) MATERI BAHASA SUNDA KELAS XII

A. Carita Wayang      Carita wayang téh carita anu sok dilalakonkeun dina pagelaran wayang. Wayang téh mangrupakeun hiji seni pertunjukan anu asalna tina kecap “bayang” atawa “kalangkang”. Hartina wayang téh gambaran tina kahirupan manusa boh lahir boh batinna. Carita wayang biasana nyaritakeun perjuangan, kaadilan, jeung palajaran kahirupan anu dipidangkeun ku dalang bari dipirig ku gamelan. Wayang teu ukur hiburan, tapi ogé mangrupa média pikeun nyebarkeun ajaran agama jeung nilai budaya.       W a yang asalna ti India, bagian tina budaya Hindu anu nyaritakeun epos Ramayana jeung Mahabharata. Kira-kira abad ka-5 Masehi, wayang mimiti asup ka Nusantara barengan asupna agama Hindu. Dina waktos harita, wayang kulit jadi seni pertunjukan nu populér di Jawa jeung Bali. N alika agama Islam sumebar di Nusantara dina abad ka-15, para wali maké wayang minangka média dakwah. Carita wayang dirobah supaya ngandung nilai-nilai Islam tapi tetep ngajaga unsur buday...
Baca selengkapnya

Materi B.Sunda kelas 12 BAB 4 Drama

  1. Drama Kecap "drama" asalna tina basa Yunani, nyaéta  dramoi , nu hartina "ngalakukeun" atawa "ngagambarkeun". Jadi, drama téh bisa dianggap minangka hiji bentuk seni anu nyaritakeun kajadian atawa carita ngalangkungan pagelaran anu ngabogaan dialog atawa obrolan antara tokoh-tokoh. Jenis-jenis Drama: Nurutkeun Wangun:  Aya drama lancaran (dialog bébas) jeung drama ugeran (dialog nu bersajak, mirip lagu karesmén). Nurutkeun Pamelaran:  Aya drama anu pementasanna lisan (sapertos longser) jeung anu ditulis (boga naskah). Nurutkeun Sumber Cipta:  Aya nu dumasar kana carita nu geus aya (misalna "Lutung Kasarung") atawa tina kajadian sapopoé (misalna "Bandung Lautan Api"). Struktur Drama: Pertélan Palaku:  Nyalin tokoh-tokoh dina drama. Babak jeung Adegan:  Carita dibagi ku babak jeung adegan, gumantung kana waktu jeung tempat. Candraan:  Katerangan ngeunaan latar atawa suasana, bisa dijelaskeun di awal naskah (biasana dipidangkeun mirin...
Baca selengkapnya